CONTINUAMOS COS RELATOS

ADRIÁN LG ADRIÁN BORJA DAVID

HUGO IAGO
ICÍA
JENY
 JUAN ll

RELATOS DOS ALUMNOS DE 6º A "BAIXADA Á CRIPTA"

Continuando cos relatos creados polos alumnos tendo conmo referencia o libro de Agustín "Cartas de inverno", os propios nenos e nenas len as súas composicións.

DANIEL
 Mª CARMEN
 MARTA
 ROI 
XANA
LEIDY
LIDIA NAZARET

HORA DE LER

Este ano continuamos coa actividade "Pequenos grandes lectores".

Na hora de ler, os nenos de 4º,5º e 6º de primaria vanlle ler un conto aos seus compañeiros máis cativos.

Que ben o fixeron !!

XOGOS NO MAGOSTO

magosto">OS NOSOS XOGOS DO MAGOSTO

O DÍA DO MAGOSTO TÓDOLOS ALUMNOS E ALUMNAS PARTICIPARON NUNS XOGOS MOI CONCURRIDOS E DIVERTIDOS. BUSCÁDEVOS!!!!

OS NOSOS XOGOS DO MAGOSTO - Kizoa Editar Videos - Movie Maker

SUSPENSE NO SAMAÍN

Seguimos a traballar con Agustín Fernández Paz. Escollendo o seu libro "Cartas de inverno" os alumnos de 5º e 6º elaboran unha narración a partir da derradeira carta escrita por Adrián ao seu amigo onde lle indica que ao seguinte día baixará á cripta.

Os alumnos crean as súas historias describindo o que acontece nesa baixada a cripta.

Exemplos das creacións tanto escritas como ilustradas son:

ALUMNOS DE 5º
Escollendo anacos significativos dos seus traballos componse a historia:

A MISTERIOSA BAIXADA Á CRIPTA CEMITERIO

Camiñei ata a cripta. Metín a chave na porta con coidado atafegado pola chea de morcegos pintados que enchían a porta e co meu revólver na man e unha lanterna empecei a descender. Parecía un labirinto. Ao fondo había unha gran sa. Abrín a porta e apareceron outras escaleiras.

Cando estaba baixando polos fríos pasos, tremábame todo o corpo, mirando para arriba e mirando para os lados, vía moitos esqueletos sen brazos e sen pernas e sentín medo, moito medo.

Tropecei e caín. Non sabía onde estaba!. Collín tal pavor que escondín a cabeza no meu chapeu. Escoitei un ruído que parecía que viña do máis aló. Quería berrar pero non podía. Comezáronme a caer as bagoas. Unha morea de bagoas corrían polas miñas meixelas. Pechei os ollos. Cheguei a un mundo todo escuro, pensando que ía morrer. Neses momentos miles de calafríos percorrían o meu corpo.

Despois escoitei algo estraño comendo algo, rompendo ósos... Asustado permanecín atento. O corazón latexábame a mil por hora. Sentía que me saía do peito.

Ao final da sa, chea de horripilantes seres mortos, había unha porta moi grande. Detrás daquela porta estaba unha cociña onde outros moitos esqueletos penduraban colgados representando o maior inferno das calamidades. De repente oín un berro...

Era un home que estaba de costas, vestía todo de negro cunha bata moi antiga e o seu pelo era branco e largo. De súpeto xirouse e olloume cunha mirada terrorífica...levaba un gran colar de ouro e uns zapatos brancos brillantes. Era moi feo. Sentín moito noxo e puxéronseme os pelos de punta.

Acércase a min e abre a boca...sae un lirio enorme, de cor negra, cabeza grande, orellas aguzadas e rabo longo e groso. Co temor ao que puidese pasar collín o revólver e disparei. Disparei e disparei.

De súpeto acendéronse as luces e vin o monstro, coa boca ensanguentada, caído no negro chan. Despois o teu corpo fermoso de once anos. Estabas atada a unha cadeira cunha luz que che enfocaba. Algo terrible pasou. Aquela bala esnaquizou a miña vida. Mateite a ti. Como ía eu a imaxinar que te atopabas detrás dese ser fantasmal!...

E eu corrín ata a saída...

Outros textos escritos polos alumnos de 6º:

A CRIPTA

Ola, chámome Adrián teño 12 anos. Son alto e forte, non teño medo a nada e gústame vestir de camiseta de marca e pantalón vaqueiro de pescador .

Vamos facer unha baixada a unha cripta.

Cando estaba baixando a cripta estaba todo escuro, e había ósos en todas partes.

Ao final do túnel, escoitábanse uns ruídos raros como dunha motoserra e tamén un home berrando.

Sentíame con medo pero non tanto, os meus compañeiros viñan de tras miña e ``BUM´´.

Aparecéusenos un home morto no medio do camiño! .

De súpeto “zas”! Aparecéusenos un home cunha motoserra encendida nas mans!

Iker máis eu derribámolo e ao final da loita, collín a motoserra e corteille a cabeza para que non berrase máis.

Cando estabamos marchando da cripta pola escaleira fría daba moito medo porque había polas paredes e marcas de unllas das persoas que levaban alí para matalas. Alí almacenaban os cadáveres das persoas que morrían alí.

Pero ao final saímos sans e salvos.

Roi 6ºB

  A BAIXADA A CRIPTA

Ola son Adrián e son un pouco regordete, louro e de ollos azuis.

Eu e os meus amigos chamados Brais e Borja imos facer un descenso a unha cripta.

A medida que íamos baixando, as escaleiras ían renxendo. Nese momento non ía abandonar aos meus amigos, seguín camiñando. De súpeto atopei sangue polas paredes e teas de araña. Por fin abaixo, hai un bebé coa cara ensanguentada e chorando. De súpeto , calou: AAAH, MEU DEUS!!!, berrou unha muller. De alí a un intre vin unha cabeza ensanguentada; seguimos camiñando e apareceu o corpo dunha muller. Abriuse un cadaleito e marchamos correndo. Un morto estábanos seguindo. Era alto, con só osos e cunha motoserra nas mans. A porta non se abría. Nós, todos desesperados... 

De repente vimos un morto.

-Vides cortar leña?

Nós, sen pensalo, dixémoslle que si , e alá marchamos para o monte..sen saber o que nos pasaría .

Raúl 6ºB

 A cripta misteriosa

Cando entrei na cripta oín un ruído arrepiante coma o  renxer dunhas cadeas. Tratei de tranquilizarme pero era imposible,a medida que ía baixando por aquelas escaleiras vellas e cheas de po, ía vendo: rabuñaduras, sangue e pequenos anacos de algo estraño mentres que oía “Adrián!! Adrián!!”.
O meu corpo quedou paralizado co medo que sentía.
Os ruídos cesaron. Había algo ou alguén acompañándome. 
Vin unha porta e resgardeime tras dela, cando pensei que pasara o perigo tentei abrir a porta. Despois de tentalo varias veces decateime de que non se abría.
Quedei quieta coma un animal acurralado e no medio da negrura e vin unha sombra que se achegaba coidadosamente por detrás de min. Quería berrar pero non quería que aquela criatura estraña descubrira a miña posición. A criatura era alta, cando se virou puiden distinguir oito patas arrepiantes e un par de as.
Non sabía que era, só sabía que quería facerme dano ou outra cousa peor. Case non me atrevía nin a respirar. Sen decatarme fixen un ruído e deseguida soubo cal era o meu agocho. De seguida o “animal” rompeu a porta e veu na miña busca cando me acadou o ser estraño lanzouse sobre min.
Eu esperaba o meu fin canso...Aaaah!!!

Tania 6ºB  

      A BAIXADA Á CRIPTA DE ADRIÁN

Era o día de defuntos. A igrexa estaba escura, tronaba...Vín unha porta, abrina e baixei polas escaleiras amodo, sentíame mal. Os chanzos ían rompendo a cada paso! Tiña calafríos. A estancia era escura , o corredor longo parecía adornado de Samaín, con sangue, cabeiras, cadaleitos... E para alumear só había fachos. Apresureime a coller un polo medo ós sons tenebrosos e fortes que escoitaba. 

Cada vez que avanzaba, os sons facíanse máis fortes, non sabía o que era, e ao mesmo tempo tiña ganas de saber quen era, pero seguía tendo medo. Aínda así púidome máis a curiosidade e de súpeto apagouse a luz!

Cando se volveu prender, notei algo detrás e vín ás miñas costas un coitelo! Alguén quería matarme. Sen que ese “alguén” se dera conta, deime a volta e collinlle o coitelo, Acabei con el e logo, vin unha luz branca que se facía cada vez máis intensa e forte. Era un tesouro. 

Cando levantei a mirada,  estaba ese “alguén”, a persoa forzuda, que quixera e quería matarme. Era un ser gordo que tiña moitos músculos e tamén unha cicatriz nun beizo.

Loitei e loitei e seguín loitando. En verdade non me deixaba respirar. Por fin acabei de matalo. Collín apresuradamente o tesouro e corrín polos chanzos que aínda quedaban e funme.

Foi así cando pensei: - Xa non vou a necesitar saír da casa no Samaín!

Lydia Valiño 6ºB

O MISTERIO DA CRIPTA

Son Adrián son alto, rubio e delgado e esta é a miña historia.

Fai un mes descubrín unha cripta . Estaba no castelo de Melide. As escaleiras da cripta estaban esvaradizas . Baixei e non había nada.

Pasado un tempo volvín á cripta e vín o meu amigo Arturo . Arturo estaba collendo unha espada que encotrou na cripta . Era a lexendaria Excalibur . O que non sabía e que detrás del estaba Hoopa, o novo demo. Hoopa era grande e coas mans cortadas. Este deulle unha coitelada e Arturo morreu.

Recuperei a Excalibur e ataquei, Hoopa esquivou o meu ataque e feriume. Cando todo estaba perdido un fenix acudiu a axudarme, deume unha Blaze 2001 , a lexendaria espada do lume e mestureina con Excalibur converténdose na hiperlexendaria Nero. Con ela vencín a Hoopa.

Por esta vez o mundo salvouse...

Alejandro 6ºB

DÍA DAS BIBLIOTECAS

Con motivo da celebración do Día da Biblioteca (24 de outubro) os nenos e nenas do noso colexio fixemos unha pequena homenaxe ao escritor galego Agustín Fernández Paz. Realizamos unha serie de actividades para conmemorar este día.

Cada aula do centro desde os máis cativos ata os de 6º acudimos á biblioteca para coñecer un pouco máis sobre a vida e obra deste autor.

Algúns alumnos leron lecturas dos libros do autor e todos escribiron anacos cortiños dos seus libros en follas que decoran a nosa árbore outonal adicada a Agustín.

24 de outubro - Kizoa Editar Videos - Movie Maker

Así nos quedaron as árbores coas verbas e debuxos feitos polos alumnos:

Temos que agradecer aos nenos de 6º, Iker, Sheila e Stefan a súa colaboración para contar o conto de Upa! do autor aos nenos de infantil e 1º ao tempo que fixeron a presentación. Tamén aos colaboradores das clases, dous ou tres de cada clase que presentaron e leron os textos de Agustín Fernández Paz.  

INICIO DO FUNCIONAMENTO DA BIBLIOTECA PARA O CURSO 2016-2017

Un curso máis iniciamos a andadura para o fomento do emprego da biblioteca escolar e do hábito da lectura. A biblioteca do centro segue a funcionar coa abertura durante os intres de recreo colaborando mestres e alumnos de 6º e 5º nas gardas. Tamén as diferentes titorías dispoñen dun horario para facer uso da biblioteca atendendo as necesidades propias de cada unha delas.

 ANIMÁMOSVOS A COLABORAR!!!!

A BIBLIOTECA PERTENCE A TÓDALA COMUNIDADE ESCOLAR!!!!!



O NOSO COMECONTOS PONSE LEDO CANDO OS NENOS ADÍCANSE A LER E A FACER TRABALLOS NA BIBLIOTECA!!!!

O VINDEIRO 24 DE OUTUBRO CELEBRAREMOS O DÍA DA BIBLIOTECA.

NESTE CASO ESCOLLEMOS FACER UN PEQUENO HOMENAXE A AGUSTÍN FERNÁNDEZ PAZ POR SER UN ESCRITOR DA LITERATURA GALEGA QUE NOS DEIXOU FAI POUCO TEMPO E QUE NA SÚA OBRA CONTA CON MOITOS LIBROS  DA NARRATIVA INFANTIL E XUVENIL.

ITINERARIOS LECTORES

Para o verán, dende o Equipo de Biblioteca, fixemos esta guía cunha selección de libros que nos parecen interesantes para pequenos lectores, para lectores autónomos e sobre todo, para disfrutar coa lectura.

ESPEREMOS QUE OS DISFRUTEDES !

Publish at Calameo

DÍA DO LIBRO

Para conmemorar o día do libro leváronse a cabo diferentes actividades

LIBROS QUE DEIXAN PEGADAS

Os nenos recibiron unha cartolina na cal aparecían dúas pegadas simbolizando un pé. Cada neno debía escribir nunha das pegadas o título do seu libro favorito e se desexaban, decorala. Unha vez que todo o alumnado tiña preparadas  as súas pegadas, decoramos unha das paredes do centro facendo un "camiño de libros"ata chegar á biblioteca".

Así de fermosas quedaron as nosas paredes!!!

Sin título - Kizoa Editar Videos - Movie Maker

ELABORACIÓN DUN MURAL E EXPOSICIÓN DO LIBRO"DON QUIJOTE DE LA MANCHA"

Fíxose un gran mural para conmenorar o IV centenario da morte de Cervantes ,tamén se realizou unha exposición do seu libro máis célebre.

PRESENTACIÓN DO BLOG E ENTREGA DOS CARNÉS DE BIBLIOTECA

Para dar a coñecer o blog aos nenos e nenas, realizouse unha sesión informativa. Tamén se fixo entrega dos carnes da biblioteca dende 5 anos ata 6º de primaria.

Todos tiñan moitas ganas de telos e realizar os seus préstamos con el. Nese mesmo día sacaron os seus primeiros libros estrenando o seu carné. Todo un acontecemento !

Felices lecturas !!

Sin título - Kizoa Editar Videos - Movie Maker

CONTACONTOS

Visitou o noso Cole o Contacontos Anxo Moure, finalizando así as actividades organizadas para conmemorar o DÍA DO LIBRO.En dúas representacións distintas fixo as delicias de todo o alumnado de Infantil e primaria.

Pasámolo xenial, divertíndonos e aprendendo.

Sin título - Kizoa Editar Videos - Movie Maker

REFUGALLO

Para despertar nos nenos/as unha actitude positiva cara a reutilización e reciclaxe de materiais, propúxose unha actividade titulada "DALLE UNHA SEGUNDA OPORTUNIDADE A UN OBXECTO DE REFUGALLO". Algúns obxectos da vida cotiá que normalmente tiramos ao lixo, pasaron a unha segunda vida, e mirade que cousas tan bonitas surxiron. Noraboa a todos os participantes de 3º e 4º de Primaria, menuda imaxinación!!!!

RECICLAXE - Kizoa Movie Maker

SAN VALENTÍN!!!

Co motivo da celebración do Día de San Valentín, propuxemos ao noso alumnado de 5º e 6º de Primaria un concurso de Cartas Románticas con destinatarios anónimos. Tivo moi boa aceptación, e aínda que non todos puideron gañar, dámoslles as grazas por participar!!!

DÍA DE SAN VALENT´ÍN - Kizoa Editar Videos - Movie Maker

HORA DE LER

Os mércores, os nenos e nenas de Primaria veñen a lernos un conto a Infantil. ¡¡¡Mirade que atentos estamos!!!

GRACIAS POLA VOSA PARTICIPACIÓN!

Os alumnos e alumnas que participaron na recolleita de Cantos de Reis  recibiron un agasalliño. Dende aquí querémoslles dar as gracias pola súa implicación e animalos para que o vindeiro ano sigan con esta tradición.
Algúns dos exemplos recollidos foron:

Sin título - Kizoa Movie Maker