E vós, sabedes que é a diabetes?

Procurando dar naturalidade e visibilidade á diabetes e coa idea de rachar algunhas das falsas crenzas que leva consigo a enfermidade, as aulas do 2º ciclo de Educación Primaria realizaron diversos contacontos na biblioteca escolar para os distintos niveis e etapas educativas do noso centro.

 

O 14 de novembro, Día Mundial da Diabetes, foi a data elixida para comezar unha actividade que se prolongou durante varias xornadas e se desenvolveu, principalmente, durante a HORA DE LER.

INAUGURACIÓN E BENVIDA AO CURSO 2024 - 2025

 

A Biblioteca COMECONTOS do CEIP Nº 1 de Melide abriu as súas portas para toda a comunidade educativa do centro e deu a benvida ao novo curso escolar co gallo do DÍA DAS BIBLIOTECAS, aínda tendo comezado a súa actividade moito antes, coa intención de presentar as mellores galas no día da nova inauguración.

As alumnas e alumnos de 1º e 4º de EP - B representaron sendas pezas teatrais para as distintas aulas do colexio e puxeron o colofón a un día de celebración que quixo convidar e amosar a nosa biblioteca a todas as persoas que forman parte do Nº1, nun ano escolar que promete intenso, innovador e ilusionante.

"Os libros fannos pensar e o pensamento fainos libres"